Երևանի տարբեր դպրոցների սաների այցը Սանկտ-Պետերբուրգում ՀՀ գլխավոր հյուպատոսություն։

19 հուլիսի, 2021

Հուլիսի 18-ին Սանկտ-Պետերբուրգում ՀՀ գլխավոր հյուպատոսությունը հյուրընկալեց Երևանի տարբեր դպրոցների սաներին /25 դպրոցական/, որոնք «Summer school» ծրագրի շրջանակներում այցելել էին քաղաք Սանկտ-Պետերբուրգ։

Հանդիպմանը ներկա էին Սանկտ-Պետերբուրգում ՀՀ գլխավոր հյուպատոսության խորհրդականներ Վազգեն Սարգսյանը և Մարիա Բաբայանը, Սանկտ-Պետերբուրգի հայ համայնքի ղեկավար Կարեն Մկրտչյանը։

Խորհրդական Վազգեն Սարգսյանը դպրոցականների համար էքսկուրս անցկացրեց հյուպատոսության շենքում, այնուհետև ներկայացրեց գլխավոր հյուպատոսության գործունեությունը, տեղեկացնելով որ Սանկտ-Պետերբուրգում ՀՀ գլխավոր հյուպատոսությունը գործում է 2000 թվականից և նրա գործունեության տարածքում բացի Սանկտ-Պետերբուրգից ընդգրկված են ՌԴ Հյուսիս-Արևմտյան տարածաշրջանի Լենինգրադի, Պսկովի, Կալինինգրադի, Վոլոգդայի, Արխանգելսկի մարզերը և Կարելիայի Հանրապետությունը:

Խորհրդական Մարիա Բաբայանը իր խոսքում նշեց Սանկտ-Պետերբուրգում հայության դերակատարությունը քաղաքի զարգացման գործում՝ պատմական տարբեր ժամանակահատվածներում։ Նա բարձր գնահատեց հայ համայնքի ծավալած գործունեությունը և նշեց որ հայությունը իր ակտիվ դերակատարությունն է ունեցել դեռևս քաղաքի հիմնադրման օրվանից։

Ողջույնի խոսքով հանդես եկավ նաև Սանկտ-Պետերբուրգի հայ համայնքի ղեկավար Կարեն Մկրտչյանը։

«Summer school» ի ներկայացուցիչ Մարիաննա Նաիկյանը իր խորհին շնորհակալությունը հայտնեց Վազգեն Սարգսյանին ընձեռնված հնարավորության համար՝ այցելել ՀՀ գլխավոր հյուպատոսություն։ Նա նշեց, որ Երևանի դպրոցականները մեծ տպավորություն են ստացել այս գեղեցիկ և պատմական քաղաքից։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր