Սանկտ-Պետերբուրգում հարգանքի տուրք մատուցվեց Հայոց Ցեղասպանության զոհերի հիշատակին

24 ապրիլի, 2021

Ապրիլի 24-ին Սանկտ-Պետերբուրգում ՀՀ գլխավոր հյուպատոսության խորհրդականներ Վազգեն Սարգսյանը, Մարիա Բաբայանը մասնակցեցին Սանկտ-Պետերբուրգի Սբ. Կատարինե հայ առաքելական եկեղեցում մատուցված Հայոց Ցեղասպանության սրբադասված նահատակների ոգեկոչման պատարագին։

Այնուհետև Սանկտ-Պետերբուրգի Վասիսլեոստրովսկի շրջանի «Կամսկի» այգում գտնվող Կոմիտաս Վարդապետի հուշարձանին Սանկտ-Պետերբուրգում ՀՀ գլխավոր հյուպատոսության խորհրդական Վազգեն Սարգսյանի կողմից կատարվեց ծախկեպսակի դրման արարողություն ի հիշատակ Հայոց Ցեղասպանության զոհերի։

Ծաղիկներ դրվեցին նաև ԱՊՀ ՄԽՎ-ում ՀՀ ԱԺ մշտական ներկայացուցիչ Հայկ Չիլինգարյանի, Սանկտ-Պետերբուրգի Կառավարության արտաքին կապերի կոմիտեի ԱՊՀ երկրների և ՌԴ տարածաշրջանի վարչության պետ Եվգենի Կասսյուրայի, ՌԴ-ում ՀՀ ՊՆ ներկայացուցիչ Սերգեյ Սրմիկյանի, Սանկտ-Պետերբուրգում ՀԱԵ հոգևոր հովիվ Տ. Պողոս աբեղա Վարդանյանի, Սանկտ-Պետերբուրգում Երևանի քաղաքապետարանի ներկայացուցիչ Արմենակ Կարապետյանի, Սանկտ-Պետերբուրգի զինվորական ակադեմիաներում ուսանող հայ սպաների և զինվորների և հայ համայնքի ներկայացուցիչների կողմից:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր