Արամ Խաչատրյանի անվան 17-րդ միջազգային մրցույթ:

07 ապրիլի, 2021

Հարգելի տիկնայք և պարոնայգ,

2021թ. հունիսի 6-12-ը Երևանում կանցկացվի Արամ Խաչատրյանի անվան 17-րդ միջազգային մրցույթը:

Արամ Խաչատրյանի անվան երաժշտական մրցույթը վերջին 17 տարիների ընթացքում իր արժանի տեղն է գրավել միջազգային հեղինակավոր մրցույթների շարքում: Այն ուղղված է դաշնամուր, ջութակ, դիրիժորություն, վոկալ մասնագիտություններում տաղանդաշատ երիտասարդ երաժիշտների հայտնաբերմանը, ինչպես նաև աշխարհում հայ մեծանուն կոմպոզիտոր Արամ Խաչատրյանի արվեստի հանրայնացմանը: 2013 թվականից ի վեր Արամ Խաչատրյանի անվան մրցույթը անդամակցում է Համաշխարհային երաժշտական միջազգային մրցույթների ֆեդերացիային (WFIMC)՝ հանդիսանալով կառույցին անդամակցող միակ ստուգատեսը Հայաստանում: Այս տարի մրցույթը կանցկացվի դիրիժորություն անվանակարգում՝ նպատակ հետապնդելով ներկայացնել և աջակցել երիտասարդ դիրիժորներին: Մրցանակային ֆոնդը կազմում է 10 000 ԱՄՆ դոլար: Մրցույթի հայտերի ընդունման վերջնաժամկետն է 2021թ. մայիսի 10-ը: Մասնակցության պայմանների մասին անհրաժեշտ մանրամասներն ու հայտաձևը հասանելի են հետևյալ հղմամբ՝

https://www.khachaturian-competition.com/hy/competitions/contestantsRules2021։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր