Հիշատակ և խոնարհում

24 ապրիլի, 2020

Ապրիլի 24-ին Հայոց ցեղասպանության 105-րդ տարելիցը ոգեկոչելու նպատակով Սանկտ Պետերբուրգում ՀՀ գլխավոր հյուպատոսության անձնակազմը նեղ կազմով ծաղկեպսակ տեղադրեց Սանկտ Պետերբուրգի Սուրբ Կատարինե Հայ առաքելական եկեղեցու բակում գտնվող խաչքարին։

Սրբադասված նահատակներին նվիրված «Հիշատակ և խոնարհում» արարողությանը մասնակցեց նաև Հյուսիս–Արևմտյան տարածաշրջանի Հայ Առաքելական եկեղեցու հոգևոր հովիվ Պողոս աբեղա Վարդանյանը:

«Ցեղասպանության սարսափները վերապրած հայ ժողովուրդը ոչ միայն կարողացավ աշխարհի տարբեր անկյուններում պահպանել և զարգացնել իր ազգային ինքնությունը, այլև կարողացավ վերականգնել հայոց պետականությունը:

Ցեղասպանությունների և զանգվածային ոճրագործությունների կանխարգելման, Հայոց ցեղասպանության միջազգային ճանաչման ու դատապարտման օրակարգը Հայաստանի արտաքին քաղաքականության կարևորագույն ուղղություններից մեկն է։ Այս համատեքստում հարգելով Հայոց ցեղասպանության սրաբադասված նահատակների հիշատակը՝ Հայաստանը միջազգային հարթակներում հետևողականորեն առաջ է մղում կանխարգելման օրակարգը»։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր