Նկարիչ Խաչատուր Բելիի աշխատանքների ցուցահանդես Սանկտ-Պետերբուրգում ՀՀ գլխավոր հյուպատոսությունում:

16 մարտի, 2020

Ս.թ. մարտի 13-ին Սանկտ-Պետերբուրգում ՀՀ գլխավոր հյուպատոսությունում կայացավ նկարիչ Խաչատուր Բելիի գեղագիտական աշխատանքների անհատական, մեկօրյա ցուցահանդեսը: Քանի որ նախապես որոշված էր այդ օրը հյուպատոսությունում գումարել Սանկտ-Պետերբուրգում ուսանող հայազգի ուսանողների հերթական հավաքը, ցուցահանդեսի կազմակերպումը նաև նպատակ էր հետապնդում նրանց ներկայացնել անվանի նկարչին և ծանոթացնել նրա գործերի հետ:

Ներկայացնելով Խաչատուր Բելիին, Վազգեն Սարգսյանը նշեց, որ նրա գործերն այսօր ցուցադրվում են ոչ միայն Սանկտ-Պետերբուրգի հանրաճանաչ պատկերասրահներում ու թանգարաններում, այդ թվում և հանրահայտ ,,Ռուսական թանգարանում,, և Պետերգոֆի կենտրոնական գրադարանում, այև Էստոնիայի, Գերմանիայի, Իսպանիայի և այլ երկրների ցուցասրահներում և մշակութային կենտրոններում:

Նկարիչ Խաչատուր Բելին պատմեց իր մասին, ընգծելով իր՝ Հայաստանում ծնված լինելը և 40 տարուց ավելի Սանկտ-Պետերբուրգում ապրելը, իր աշխատանքների բազմուղղվածությունը՝ գեղանկար, քանդակ, ֆարֆորե իրերի նախշազարդում և այլն: Նա նաև նշեց, որ իր երկարամյա գործունեության ընթացքում առաջին անգամ ցուցահանդես է բացում ՀՀ դիվանագիտական ներկայացուցչությունում և իր հուզմունքն ու երեխտագիտությունն արտահայտեց այդ առիթով:

Ցուցահանդեսն ուղեկցվեց ուսանողներից մեկի՝ ապագա բժիշկ Գևորգ Բաբայանի՝ հայկական մեղեդիների դուդուկով կատարմամբ:

Հանդիպման ընթացքում ուսանողների կողմից հարց բարձրացվեց մայրենի լեզվին չտիրապետող ուսանողների համար հայերեն լեզվի դասընթացներ կազմակերպել հյուպատոսության հովանավորությամբ, որն ընդունվեց որպես առաջարկություն՝ առաջիկայում քննարկելու նպատակով:

Միջոցառմանը ներկա էր ՀՀ ՊՆ միջազգային կառույցների հետ համագործակցության ստորաբաժանման ՌԴ ուսումնական խմբի ավագ սպա, փոխգնդապետ Սերգեյ Սրմիկյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր