Հայ ուսանողների հավաք Սանկտ-Պետերբուրգում ՀՀ գլխավոր հյուպատոսությունում:

24 հունվարի, 2020

Ս.թ. հունվարի 24-ին Ս.Պետերբուրգում ՀՀ գլխավոր հյուպատոսությունում տեղի ունեցավ հանդիպում քաղաքի տարբեր բուհերում սովորող հայ ուսանողների հետ: Հայաստանից գործուղված կամ պարզապես հայազգի ավելի քան 30 ուսանող իրենց խնդիրները բարձրացրին, որոնք վերաբերում էին ինչպես ուսումնական գործընթացին, աշխատանքին, այնպես էլ ընտանեկան և կենցաղային ոլորտներին, նաև՝ փաստաթղթային հարցեր: Հաշվի առնելով այն հանգամանքը, որ ուսանողներից շատերը ապագա բժիշկներ և իրավաբաններ են, հավաքին մասնակցելու համար, որպես պատվավոր հյուր հրավիրված էին բժիշկ-մանկաբարձ, ՌԴ և ՀՀ գիտությունների ակադեմիայի անդամ, ակադեմիկոս Էդվարդ Այլամազյանը և հայտնի փաստաբան, ՌԴ-ում ՀՀ դեսպանի հասարակական կարգով խորհրդական Վահրամ Զախարյանը, ովքեր նույնպես խոստացան անել հնարավորինը՝ ուսանողներին հուզող հարցերին լուծում տալու ուղղությամբ: Խորհրդական Վազգեն Սարգսյանը ներկայացրեց հյուպատոսության գործունեության ուղղությունները, շեշտադրում կատարելով ուսանողների հետ աշխատանքին: Հանդիպումը նաև ճանաչողական բնույթ ունեցավ, քանի որ ուսանողներից շատերը առաջին անգամ էին լինում հյուպատոսարանում, նաև առաջին անգամ էին հանդիպում միմյանց: Եղան բազմաթիվ առաջարկություններ, որոնք իրագործելու համար որոշվեց ստեղծել Սանկտ-Պետերբուրգի բուհերում ուսումնառություն ստացող հայ ուսանողների խորհուրդ, որը մշտական աշխատանքային շփում կունենա հյուպատոսության աշխատակազմի հետ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր