Հանդիսություն նվիրված ակադեմիկոս Էդվարդ Այլամազյանին:

15 հունվարի, 2020

Հունվարի 15-ին Սանկտ-Պետերբուրգի թիվ մեկ բժշկագիտական կենտրոնում տեղի ունեցավ Ռուսաստանի Դաշնության գիտությունների ակադեմիայի անդամ, Հայաստանի Հանրապետության գիտությունների ակադեմիայի պատվավոր անդամ, մանկաբարձության բնագավառում բազմաթիվ նորարարական ուղղությունների հեղինակ և գործնական կիրառող, համաշխարհային ճանաչում ունեցող գիտնական, ավելի քան 300 բժշկագիտական աշխատությունների հեղինակ, ակադեմիկոս Էդվարդ Կարապետի Այլամազյանի ծննդյան 80-ամյակին նվիրված հանդիսություն, որին մասնակցում էին քաղաքի իշխանության, գիտական հիմնակությունների, բժշկագիտության ներկայացուցիչներ: Գլխավոր հյուպատոսության խորհրդական Վազգեն Սարգսյանի ողջույնի և բարեմաղթանքի խոսքը ոգևորությամբ ընդունվեց հոբելյարի, նաև ներկաների կողմից, որին ի պատասխան ակադեմիկոս Այլամազյանը կարևորեց իր հայազգի լինելը, պատմական էքսկուրս կատարեց՝ ներկաներին հիշեցնելով Հայոց ցեղասպանության, ինչպես նաև տարբեր ոլորտներում Ռուսաստանի կյանքում ունեցած հայերի կարևոր դերակատարումների մասին: Վազգեն Սարգսյանը ակադեմիկոս Այլամազյանին փոխանցեց երկու լեզվով հյուպատոսության անունից պատրաստված շնորհավորական ուղերձը, նվիրեց Բորիս Բարատովի «Ղարաբաղ 1989-2009» հուշալբոմը և հրավիրեց նրան այցելել հյուպատոսություն:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր