Լևոն Բեյբությանը հյուրընկալվեց Սանկտ-Պետերբուրգում ՀՀ գլխավոր հյուպատոսությունում:

25 նոյեմբերի, 2019

Ս.թ. նոյեմբերի 25-ին Սանկտ-Պետերբուրգում ՀՀ գլխավոր հյուպատոսությունում Ռ.Դ. նկարիչների միության անդամ, Սանկտ-Պետերբուրգի գեղարվեստական ակադեմիայի դասախոս, վաստակաշատ և ճանաչված քանդակագործ Լևոն Բեյբությանը հյուպատոսությանը նվիրեց Ս.Պետերբուրգում տեղադրված իր գործի՝ Հովսեփ Օրբելու արձանի բրոնզաձույլ մանրաքանդակը: Գլխավոր հյուպատոսի պաշտոմակատար Վազգեն Սարգսյանն իր հիացմունքն ու երախտագիտությունն արտահայտեց քանդակագործին, նշելով, որ արձանիկն իր պատվավոր տեղը կպահպանի հյուպատոսության սրահում՝ հայ արվեստի նկատմամբ հետաքրքրություն առաջացնելով հյուպատոսության հյուրերի և այցելուների շրջանում: Հիշեցնենք, որ արվեստագետի ախատանքները գտնվում են Սանկտ-Պետերբուրգի նկարիչների միության ցուցահանդեսային ֆոնդում, Սանկտ Պետերբուրգի պատմության պետական թանգարանում, ՌԽՖՍՀ ֆոնդերում, Ռուսաստանի, Դանիայի, Ֆինլանդիայի, Շվեյցարիայի մասնավոր հավաքածուներում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր