Հյուպատոսությունը պատրաստակամ է անհրաժեշտ օժանդակության:

06 նոյեմբերի, 2019

Ս.թ. նոյեմբերի 4-ի երեկոյան Սանկտ-Պետերբուրգի Նևսկի շրջանի թիվ 18 ծննդատնը, շինարարական աշխատանքներ կատարելիս, վերելակի անկման պատճառով ՀՀ քաղաքացիներ Արմեն Լևոնի Ղազարյանը/ծնվ. 02,12,1990թ./ և Գրիգոր Բախշիի Հակոբյանը /ծնվ.28,10,1984թ./ ծանր մարմնական վնասվածքներ են ստացել և տեղափոխվել են քաղաքի տարբեր հիվանդանոցներ: Արմեն Ղազարյանն անգիտակից վիճակում տեղափոխվել է քաղաքի շտապ օգնության հիվանդանոցի վերակենդանացման բաժանմունք, որտեղ ենթարկվել է ողնաշարի կրկնակի վիրահատման և, ըստ հաստատության գլխավոր բժիշկ Անտոն Պովզունի՝ հյուպատոսարանի ներկայացուցչին տված տեղեկատվության, գտնվում է կայուն ծանր վիճակում: Գրիգոր Հակոբյանը, դիմածնոտի և կողոսկրերի ջարդվածքներով տեղափոխվել Է Ալեքսանդրովյան հիվանդանոց, ենթարկվել է մասնակի վիրահատության, հաջորդ շաբաթ սպասվում է դիմածնոտի վիրահատություն, ունի նաև հիշողության մասնակի կորուստ: Հիվանդանոցի դիմա-ծնոտային բաժանմունքի վարիչ Կախա Աբսավայի բնորոշման, Գ.Հակոբյանը նույնպես դեռ գտնվում է ռիսկային գոտում: Սանկտ-Պետերբուրգում ՀՀ գլխավոր հյուպատոսության խորհրդական Նելլի Մաթևոսյանն այցելել է երկու հիվանդներին, հարազատների հետ քննարկել է սոցիալական իրավիճակը և անհրաժեշտ, այդ թվում և ֆինանսական օգնության հարցերը, ինչպես նաև զրույց է ունեցել բուժող բժիշկների և հաստատությունների ղեկավարների հետ: Հյուպատոսությունը տեղեկացնում է, որ մշտական հսկողության տակ կպահի իրավիճակը և պատրաստակամ է անհրաժեշտ օժանդակության:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր