Համերգ նվիրված Կոմիտաս վարդապետի 150-ամյակին

26 սեպտեմբերի, 2019

Սեպտեմբերի 26-ին Սանկտ-Պետերբուրգում ՀՀ գլխավոր հյուպատոսության խորհրդական Վազգեն Սարգսյանը Սանկտ-Պետերբուրգի Կամսկի այգում մասնակցեց Կոմիտաս վարդապետի 150-ամյակին նվիրված հանդիսավոր համերգին: Համերգը կազմակերպվել էր Սանկտ-Պետերբուրգում Երևանի քաղաքապետարանի ներկայացուցչության կողմից՝ ՀՀ գլխավոր հյուպատոսության աջակցությամբ: Համերգին մասնակցում էին Սանկտ-Պետերբուրգում Երևանի քաղաքապետարանի ներկայացուցիչ Արմենակ Կարապետյանը, Սանկտ-Պետերբուրգի Կառավարության արտաքին կապերի կոմիտեի ղեկավարի տեղակալ Անդրեյ Խլուտկովը, Սանկտ-Պետերբուրգի և Հյուսիս արևմտյան տարածաշրջանի հոգևոր հովիվ Պողոս աբեղա Վարդանյանը, Ռուսաստանի վաստակավոր արտիստ Մարիյա Սաֆարյանցը, մշակութային հայտնի գործիչներ, հայ համայնքի ներկայացուցիչներ, Սանկտ-Պետերբուրգի զինվորական ակադեմիաներում ուսանող հայ սպաներ, հոգևորականներ և այլոք: Համերգի ընթացքում «CLEVER ORCHESTRA» կամերայի նվագախմբի, Ա. Սպենդիարյանի անվան ազգային օպերայի և բալետի մեներգիչ Հովհաննես Ներսեսյանի, և Սանկտ-Պետերբուրգի Սբ. Կատարինե ՀԱԵ երգչախմբի կարամամբ հնչեցին Կոմիտասի ստեղծագործությունները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր