Սփյուռքի գործերի գլխավոր հանձնակատար Զարեհ Սինանյանի աշխատանքային այցը Սանկտ-Պետերբուրգ:

16 սեպտեմբերի, 2019

Ս.թ. սեպտեմբերի 12-ին կայացել է Սփյուռքի գործերի գլխավոր հանձնակատար Զարեհ Սինանյանի աշխատանքային այցը Սանկտ-Պետերբուրգ: Առավոտյան Սփյուռքի գործերի գլխավոր հանձնակատար Զարեհ Սինանյանը Սանկտ-Պետերբուրգում ՀՀ գլխավոր հյուպատոսության խորհրդական Վազգեն Սարգսյանի ուղեկցությամբ այցելել և ծաղիկներ են խոնարհել Սանկտ-Պետերբուրգի Վասիլեօստրովսկի շրջանի «Կամսկի» այգում տեղադրված Կոմիտաս վարդապետի հուշարձանին։ Այնուհետև Սփյուռքի գործերի գլխավոր հանձնակատարը այցելել է Սանկտ-Պետերբուրգում ՀՀ գլխավոր հյուպատոսության նոր շենք, շրջայց կատարել գլխավոր հյուպատոսությունում և ծանոթացել գլխավոր հյուպատոսության պայմաններին: Սփյուռքի գործերի գլխավոր հանձնակատար Զարեհ Սինանյանը և Սանկտ-Պետերբուրգում ՀՀ գլխավոր հյուպատոսության խորհրդական Վազգեն Սարգսյանը քննարկել են ՌԴ Հյուսիս-արևմտյան տարածաշրջանում բնակվող ՀՀ քաղաքացիներին առնչվող խնդիրներ: Այնուհետև տեղի է ունեցել Սփյուռքի գործերի գլխավոր հանձնակատար Զարեհ Սինանյանի և Սանկտ Պետերբուրգի կառավարության Միջազգային հարաբերությունների և միգրացիոն քաղաքականության իրականացման կոմիտեի նախագահ Օլեգ Կապիտոնովի հետ: Հանդիպման ընթացքում անդրադարձ է կատարվել հայկական սփյուռքի ներուժին, Սանկտ Պետերբուրգի հայ համայնքի ներկայիս վիճակին: Օլեգ Կապիտոնովը նշել է, որ տեղի համայնքն աչքի է ընկնում իր կազմակերպվածությամբ, ջերմ հարաբերություններով և խաղաղ համակեցությամբ: Երեկոյան «Վերնատուն» մշակութային կենտրոնում տեղի է ունեցել Զարեհ Սինանյանի հանդիպումը Սանկտ Պետերբուրգի հայ համայնքի ներկայացուցիչների հետ: Հանդիպմանը ներկա են եղել Սանկտ-Պետերբուրգում ՀՀ գլխավոր հյուպատոսության խորհրդական Վազգեն Սարգսյանը, Հայ Առաքելական եկեղեցու հոգևոր հովիվ տեր Պողոս աբեղա Վարդանյանը, հայ համայնքի ղեկավար Կարեն Մկրտչյանը և Սանկտ-Պետերբուրգում Երևանի ներկայացուցիչ Արմենակ Կարապետյանը,: Հանդիպման ընթացքում Գլխավոր հանձնակատարը ներկայացրել է գրասենյակի աշխատանքը, գործառույթները, սպասվող ծրագրերն ու առաջիկա անելիքները: Սփյուռքի հանձնակատարը պատասխանել է համայնքի ներկայացուցիչների ամենատարբեր ոլորտներին վերաբերվող հարցերին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր