Մարտի 13-ին Սանկտ-Պետերբուրգի «Վերնատուն» հայկական մշակութային կենտրոնում տեղի ունեցավ «Ռուս-հայկական մշակութային տարածք» գիտաժողովը:

13 մարտի, 2019

Մարտի 13-ին Սանկտ-Պետերբուրգի «Վերնատուն» հայկական մշակութային կենտրոնում տեղի ունեցավ «Ռուս-հայկական մշակութային տարածք» գիտաժողովը: Ողջույնի խոսքով հանդես եկավ Սանկտ-Պետերբուրգում ՀՀ գլխավոր հյուպատոս Հրայր Կարապետյանը, այնուհետև ելութ ունեցան Սանկտ-Պետերբուրգի միջազգային հարաբերությունների և միգրացիոն քաղաքականության իրականացման կոմիտեի առաջին տեղակալ Վադիմ Օկրուշկոն, Սանկտ-Պետերբուրգի տարածաշրջանային հայ ազգային-մշակութային ինքնավարության նախագահ Կարեն Մկրտչյանը: Գիտաժողովի մասնակիցները քննարկել են Ռուսաստանի և Հայաստանի ժողովուրդների միջև մշակութային համագործակցության տարբեր ոլորտներ, որոնք վերաբերվում են համատեղ նախագծերի, ցուցահանդեսների, հետազոտությունների, սեմինարների անցկացմանը: Մասնակիցները կարևորել են Սանկտ-Պետերբուրգի հայ ազգային-մշակութային միավորումների ակտիվ մասնակցությունը Սանկտ Պետերբուրգի մշակութային կյանքում: Գիտաժողովի շրջանակներում Սանկտ Պետերբուրգի տարածաշրջանային հայ ազգային-մշակութային ինքնավարության և մշակույթի գործիչների ռուսական ստեղծագործական միության միջև ստորագրվեց համաձայնագիր: Միջոցառման ավարտին ներկաները հնարավորություն ունեցան ծանոթանալու հայ նկարիչ Ռուբեն Զախարյանի (1901-1992թթ.) ստեղծագործություններին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր