Սանկտ-Պետերբուրգում անցկացվելիք Ֆրանկոֆոնիայի մասնակից անդամ պետությունների միջոցառումների աշխատանքային խմբի քննարկում:

07 փետրվարի, 2018

Փետրվարի 07-ին Սանկտ-Պետերբուրգում ՀՀ գլխավոր հյուպատոս Հրայր Կարապետյանը մասնակցեց Սանկտ-Պետերբուրգում Ֆրանսիական ինստիտուտի կողմից կազմակերպված 2018թ. մարտի 7-ից ապրիլի 6ը Սանկտ-Պետերբուրգում անցկացվելիք Ֆրանկոֆոնիայի մասնակից անդամ պետությունների միջոցառումների աշխատանքային խմբի քննարկմանը: Քննարկմանը ներկա էին Բելգիայի, Բուլղարիայի, Հունաստանի, Կիպրոսի, Ֆրանսիայի, Շվեցարիայի գլխավոր հյուպատոսները և Սանկտ-Պետերբուրգում Ֆրանսիական ինստիտուտի տնօրենը: Բացման խոսքով հանդես եկավ Սանկտ-Պետերբուրգում Ֆրանսիական ինստիտուտի տնօրեն Ալեն Էլուն, ով շնորհակալություն հայտնեց գլխավոր հյուպատոսներին մասնակցության համար և ներկայացրեց քննարկման թեմաները: Այնուհետև խոսքը տրվեց Սանկտ-Պետերբուրգում ՀՀ գլխավոր հյուպատոս Հրայր Կարապետյանին: Գլխավոր հյուպատոսը իր ելույթում նշեց, որ 2017թ. նոյեմբերի 26-ին Փարիզում կայացած Ֆրանկոֆոնիայի Միջազգային կազմակերպության 34-րդ նախարարական համաժողովում ՀՀ ԱԳ նախարար Էդվարդ Նալբանդյանը ներկայացրել է 2018թ. Երևանում Ֆրանկոֆոնիայի Գագաթնաժողովի անցկացման նախապատրաստական աշխատանքների ընթացքը, և տեղեկացրել որ Ֆրանկոֆոնիայի Երևանյան Գագաթնաժողովը անցկացվելու է 2018թ. հոկտեմբերի 11-ից 12-ը: Հրայր Կարապետյանը տեղեկացրեց ներկաներին, որ Երևանյան Գագաթնաժողովի կարգախոսն է «ապրել միասին», այն լինելու է նոր հիմնական փաստաթղթի՝ Երևանյան պակտի հիմքը, որը կարտացոլի ֆրանկոֆոնիայի ընդհանուր արժեքները `մարդու իրավունքների և ժողովրդների պաշտպանությունը, ժողովրդավարությունը, միջմշակութային և միջկրոնական երկխոսությունը, ինչպես անհանդուրժողականության, խտրականության և ատելության դեմ պայքարը: Այնուհետև ելույթներով հանդես եկան Բելգիայի, Բուլղարիայի, Հունաստանի, Կիպրոսի, Ֆրանսիայի, Շվեցարիայի գլխավոր հյուպատոսները, որոնք ներկայացրեցին իրենց երկրների Ֆրանկոֆոնիայի միջազգային կազմակերպության հետ համագործակցության սույն թվականին անցկացվելիք ծրագրերը, որն ընդգրկում էր կինոփառատոն, դասական և ժամանակակից երաժշտության համերգներ, ֆրանսերեն լեզվի թելադրության մրցույթներ և վիկտորինաներ, գիտական կոնֆերանսներ և թատերական բեմադրություններ: Քննարկմանը ներկա էին նաև Սանկտ-Պետերբուրգի և Լենինգրադի մարզի ԶԼՄ ներկայացուցիչներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր