Սանկտ-Պետերբուրգում գտնվող ՀՀ ԱԺ պատվիրակությունը այցելել է Պիսկարյովսկի պանթեոն:

28 նոյեմբերի, 2017

Ս.թ. նոյեմբերի 28-ին Սանկտ-Պետերբուրգում աշխատանքային այցով գտնվող ՀՀ ԱԺ նախագահի տեղակալ Էդուարդ Շարմազանովը, Սանկտ-Պետերբուրգում ՀՀ գլխավոր հյուպատոս Հրայր Կարապետյանը, Ազգային ժողովի պատգամավորներ՝ Ռոմիկ Մանուկյանը, Տիգրան Ուլիխանյանը, Կարեն Բեքարյանը, Սանկտ-Պետերբուրգում ԱՊՀ միջխորհրդարանական վեհաժողովում ՀՀ ԱԺ մշտական ներկայացուցիչ Հայկ Չիլինգարյանը, հոգևորականների և հայ համայնքի ներկայացուցիչների հետ միասին Սանկտ-Պետերբուրգի Պիսկարյովսկի պանթեոնում ծաղկեպսակ և ծաղիկներ դրեցին Հայրենական մեծ պատերազմի տարիներին Լենինգրադի շրջափակման ժամանակ զոհվածների հիշատակը հավերժացնող հուշարձանին եւ հարգանքի տուրք մատուցեցին անմեղ զոհերի հիշատակին: Պատվիրակության անդամները ծաղիկներ են խոնարհել նաեւ Լենինգրադի պաշտպանության ժամանակ իրենց կյանքը զոհաբերած հայորդիների հիշատակը հավերժացնող հուշաքարին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր