Սանկտ-Պետերբուրգում կայացավ ամերիկահայ հեղինակ Աննա Աստվածատրյան-Թերկոտտի «Արտաքսում. Ոչ մի տեղ» գրքի շնորհանդեսը:

14 նոյեմբերի, 2017

Ս.թ. նոյեմբերի 14-ին Սանկտ-Պետերբուրգում ՀՀ գլխավոր հյուպատոս Հրայր Կարապետյանը հայկական ազգամշակութային ինքնավարության «Վերնատուն» մշակութային կենտրոնում մասնակցեց ամերիկահայ հեղինակ Աննա Աստվածատրյան-Թերկոտտի «Արտաքսում. Ոչ մի տեղ» գրքի շնորհանդեսին: Աննա Աստվածատրյան-Թերկոտտի գիրքը իր գրական ժանրում կարելի է բնութագրել որպես տասնամյա մի աղջկա օրագիր, որը մոտ 30 տարի առաջ ստիպված է եղել «քայլել տանջանքների միջոցով» Բաքվից արտաքսվելու ճանապարհին: «Իմ մանկությունը երջանիկ էր, արևկող, գունեղ և առատ որքան հնարավոր էր դա Խորհրդային Միությունում ժամանակ: Ամեն հիշողություն մինչեւ 1988 - երջանիկ էր: Բայց իմ ընտանիքի պատմությունը խաղաղ չէր", - նշեց է գրքի հեղինակը, հիշելով 1988-1992 թվականներին Ադրբեջանի հայ ժողովրդի հետ տեղի ունեցած ողբերգական իրադարձությունները: Շնորհանդեսին ելույթ ունեցավ Սանկտ-Պետերբուրգում ՀՀ գլխավոր հյուպատոս Հրայր Կարապետյանը: Նա նշեց, որ Բաքվում, Սումգաիթում, Կիրովաբադում, Գետաշենում և այլ հայաբնակ վայրերում Ադրբեջանի հայատյաց քաղաքականությունը, որը շարունակվում է նաև հիմա, լավագույն ապացույցն է նրա, որ Արցախը երբեք չի կարող լինել Ադրբեջանի կազմում: Շնորհանդեսին ներկա էին Սանկտ-Պետերբուրգի տարածաշրջանային հայ ազգամշակութային ինքնավարության ղեկավար Կարեն Մկրտչյանը, մշակութային գործիչներ, հայ համայնքի ներկայացուցիչներ, ռուս մտավորականներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր