Սանկտ-Պետերբուրգում ս.թ. հոկտեմբերի 12-ին Ռուսաստանում ՀՀ դեսպանատան և Սանկտ-Պետերբուրգում ՀՀ գլխավոր հյուպատոսության կողմից կազմակերպվեց «ОК Армения» խորհագրով միջոցառում:

15 հոկտեմբերի, 2017

Ս.թ. հոկտեմբերի 12-ին Սանկտ-Պետերբուրգի Լոտե Պլազա հյուրանոցի հանդիսավոր դահլիճներից մեկում Ռուսաստանում ՀՀ դեսպանատան և Սանկտ-Պետերբուրգում ՀՀ գլխավոր հյուպատոսության կողմից կազմակերպվեց «ОК Армения» խորհագրով միջոցառում-շնորհանդես նվիրված Հայաստանի և Արցախի զբոսաշրջային գրավչություններին: Շնորհանդեսին ներկա էին Սանկտ-Պետերբուրգում պաշտոնական այցով գտնվող ՀՀ ԱԺ Նախագահ Արա Բաբլոյանը, Ռուսաստանում ՀՀ արտակարգ և լիազոր դեսպան Վարդան Տողանյանը, Սանկտ-Պետերբուրգում ՀՀ գլխավոր հյուպատոս Հրայր Կարապետյանը, Սանկտ-Պետերբուրգում ՌԴ ԱԳՆ ներկայացուցիչ Վլադիմիր Զապեվալովը, Սանկտ-Պետերբուրգի Կառավարության արտաքին կապերի կոմիտեի ղեկավար Եվգենի Գրիգորևը, Սանկտ-Պետերբուրգի զբոսաշրջության կոմիտեի ղեկավարի տեղակալ Նանա Գվիչիան, Սանկտ-Պետերբուրգի շուրջ 90 զբոսաշրջային կազմակերպությունների, հյուրանոցային համալիրների և զբոսաշրջային տեղեկատվական գործակալությունների ներկայացուցիչներ, Սանկտ-Պետերբուրգում հավատարմագրված դիվանագետներ, և այլոք: Միջոցառմանը բացման խոսքով հանդես եկավ ՌԴ-ում ՀՀ արտակարգ և լիազոր դեսպան Վարդան Տողանյանը: Ողջունելով ներկաներին՝ Դեսպանը նշեց, որ նման տիպի միջոցառումները ավելի են խորացնում Հայաստանի և Ռուսաստանի միջև զբոսաշրջության կապերը, և հնարավորություն տալիս տվյալ դեպքում ՌԴ Հյուսիսային մայրաքաղաքի զբոսաշրջության ոլորտի խոշորագույն կազմակերպություններին ավելի մանրամասն ծանոթանալու Հայաստանի և Արցախի զբոսաշրջության ոլորտին և պատմամշակութային արժեքներին: Ողջ երեկոյի ընթացքում հյուրերը հնարավորություն ունեցան ունկնդրել հայկական երաժշտությունն ու պարը, համտեսել հայկական ուտեսներ և խմիչքներ: Այնուհետև տեղի ունեցավ նկարչական վարպետության դաս, որի ընթացքում հյուրերին հնարավորություն ընձեռնվեց նկարել և իրենց հետ վերցնել Մարտիրոս Սարյանի «Գեղամա սարեր» նկարի արտանկարը: Շնորհանդեսին ելույթ ունեցավ նաև կորպորատիվ զբոսաշրջության ոլորտի փորձագետ, միջոցառման համակազմակերպիչ Գայանե Քոչարյանը, որը միջոցառման ավարտին անցկացրեց Հայաստանի հյուրանոցների և հանգստավայրերի զբոսաշրջային փաթեթների խաղարկություն։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր