Սեպտեմբերի 22-ին Սանկտ-Պետերբուրգում ՀՀ գլխավոր հյուպատոս Հրայր Կարապետյանը ՌԴ Արխանգելսկի նահանգապետ Իգոր Օռլովի հրավերով գտնվում էր Արխանգելսկում ` մասնակցելու Արխանգելսկի 80-ամյա հոբելյան

23 սեպտեմբերի, 2017

Ս.թ. սեպտեմբերի 22-ին Սանկտ-Պետերբուրգում ՀՀ գլխավոր հյուպատոս Հրայր Կարապետյանը ՌԴ Արխանգելսկի նահանգապետ Իգոր Օռլովի հրավերով գտնվում էր Արխանգելսկում ` մասնակցելու Արխանգելսկի 80-ամյա հոբելյանին նվիրված միջոցառումներին: Նույն օրը տեղի ունեցավ Հրայր Կարապետյանի և Իգոր Օռլովի պաշտոնական հանդիպումը, ուր երկուստեք ընդգծվեց Արխանգելսկի և Վայոց Ձորի արդեն 4-ամյա համագործակցության համաձայնագրի շրջանակներում էլ ավելի խորացնել տնտեսական կապերը: Հրայր Կարապետյանի կողմից առաջարկվեց Արխանգելսկում ստեղծել հայկական առևտրի կենտրոն, ուր կներկայացվեն հայկական արտադրանքի տարբեր տեսականիներ, որն էլ կնպաստի ռուսական շուկայում այն ավելի ճանաչելի դարձնելուն: Գլխավոր հյուպատոսը շնորհակալություն հայտնեց անցյալ տարի նահանգապետ Օռլովի Հայաստան այցելած ժամանակաշրջանում Վայոց Ձորի Մալիշկա դպրոցին ցուցաբերած օժանդակության համար: Հանդիպման ընթացքում քննարկվեցին մի շարք ոլորտներում ապրանքաշրջանառության աճի և փոխադարձ հետաքրքրություն ներկայացնող այլ հարցեր: Կեսօրին Հ. Կարապետյանը նահանգապետի հետ մասնակցեց ՌԴ Արխանգելսկի հայտնի Մարգարիտինյան տոնավաճառի բացմանը և հանդես եկավ ողջույնի խոսքով: Այնուհետև գլխավոր հյուպատոսը ծանոթացավ տոնավաճառում ներկայացված ապրանքների հետ և այցելեց հայկական տաղավարներ: Այցելության ընթացքում գլխավոր հյուպատոսին ուղեկցում էին հյուպատոսության գործերի կառավարիչ Տիգրան Բալայանը և Արխանգելսկի հայ համայնքի ղեկավար Մամիկոն Գեկչյանը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր