Հունվարի 28-ին Սանկտ-Պետերբուրգում ՀՀ գլխավոր հյուպատոսությունը հայ համայնքի հետ համատեղ հանդիսավորությամբ նշեց հայոց բանակի 25-րդ տարեդարձը:

28 հունվարի, 2017

Հունվարի 28-ին Սանկտ-Պետերբուրգում ՀՀ գլխավոր հյուպատոսությունը հայ համայնքի հետ համատեղ հանդիսավորությամբ նշեց հայոց բանակի 25-րդ տարեդարձը: Կեսօրին Սանկտ-Պետերբուրգի Սբ. Կատարինե եկեղեցում ժամերգություն կատարվեց նվիրված հայոց բանակի ստեղծման 25 ամյակին: Այնուհետև տեղի ունեցավ հանդիսավոր արարողություն, որին մասնակցում էին Սանկտ-Պետերբուրգում ՀՀ գլխավոր հյուպատոս Հրայր Կարապետյանը, միջոցառմանը հրավիրված գեներալ-լեյտենանտ Նորատ Տեր-Գրիգորյանցը, Սանկտ-Պետերբուրգի զինվորական ակադեմիաներում ՀՀ ունկնդիրների ազգային խմբի ղեկավար Սերգեյ Գրիգորյանը, Սանկտ-Պետերբուրգում ուսանող ՀՀ սպաներ և կուրսանտներ, ազատամարտիկներ, հայ համայնքի ներկայացուցիչներ և հոգևոր հայրեր: Ողջույնի և շնորհավորանքի խոսքով հանդես եկավ Սանկտ-Պետերբուրգում ՀՀ գլխավոր հյուպատոս Հրայր Կարապետյանը: Հայոց բանակի 25 ամյակի առթիվ ՀՀ պաշտպանության նախարարի հրամանով ՀՀ բանակի 4 սպաներ պարգևատրվեցին /Անբասիր ծառայության համար 2 աստիճանի/ մեդալներով: ՀՀ ՊՆ կադրերի և ռազմական կրթության վարչության պետի հրամանով 12 սպաներ և կուրսանտներ պարգևատրվեցին /ՀՀ ԶՈՒ կազմավորման 25-ամյա տարելիցի կապակցությամբ՝ ուսման բարձր առաջադիմության և զինվորական կարգապահության համար/ պատվոգրերով: Վերջում տեղի ունեցավ հանդիսավոր համերգ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր