ՀՀ Անկախության 24-րդ տարեդարձին նվիրված միջոցառում Սանկտ-Պետերբուրգում

21 սեպտեմբերի, 2015

Ս.թ. սեպտեմբերի 21-ին առավոտյան Սանկտ-Պետերբուրգի Սբ. Կատարինե եկեղեցում Հյուսիս-Արևմտյան տարածշջանում Հայ Առաքելական եկեղեցու հոգևոր հովիվ տեր Պողոս աբեղա Վարդանյանի հանդիսապետությամբ կատարվեց հանրապետական մաղթանք նվիրված ՀՀ Անկախության 24-րդ տարեդարձին: Այնուհետև Սանկտ-Պետերբուրգում Ռուսաստանի ազգային գրադարանում ՀՀ գլխավոր հյուպատոսության անունից տեղի է ունեցել ընդունելություն և <Հայաստանի մշակույթը. ավանդույթներ և այժմեականություն> ցուցահանդեսի բացում՝ նվիրված ՀՀ Անկախության 24-րդ տարեդարձին: Ընդունելությանը մասնակցել են ՌԴ ԱԳՆ-ի, Սանկտ-Պետերբուրգի Կառավարության, Լենինգրադի մարզի իշխանությունների ներկայացուցիչներ, Սանկտ-Պետերբուրգում հավատարմագրված դիվանագիտական ներկայացուցիչներ, գիտական և մշակութային հայտնի գործիչներ, հայ համայնքի ներկայացուցիչներ, հոգևորականներ և այլն: Ընդունելության սկզբում ելույթով հանդես եկավ Սանկտ-Պետերբուրգում ՀՀ գլխավոր հյուպատոս Հրայր Կարապետյանը, ով անդրադառնալով ՀՀ 24-ամյա անկախության կարևոր փուլերին, ընդգծել է Արցախի խնդրով Հայաստանի մոտեցումներն և հարցի խաղաղ կարգավորման անհրաժեշտությանը հավատարիմ մնալու ՀՀ սկզբունքային դիրքորոշումները: Ելույթում Հրայր Կարապետյանը նաև անդրադարձել է ցեղասպանության 100-ամյա տարելիցի ոգեկոչման արարողության միջոցառումներին և շնորհակալություն հայտնել արարողությանը մասնակցած պետությունների և միջազգային կազմակերպությունների ներկայացուցիչներին: Այնուհետև ելույթներով հանդես են եկել նաև Սանկտ-Պետերբուրգի փոխնահանգապետ Իգոր Դիվինսկին, Լենինգրադի մարզի Կառավարության արտաքին կապերի կոմիտեի առաջին տեղակալ Իննա Բիգոտսկայան, Ռուսաստանի ազգային գրադարանի տնօրեն Անտոն Լիխոմանովը: Սանկտ-Պետերբուրգի տեղի իշխանությունների ներկայացուցիչերի կողմից ընթերցվեցին Սանկտ-Պետերբուրգի Նահանգապետ Գեորգի Պոլտավչենկոյի, և Լենինգրադի նահանգապետ Ալեքսանդր Դրոզդենկոյի շնորհավորական ուղերձներն ու մաղթանքները: Վերջում տեղի ունեցավ տոնական ընդունելություն:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր