Սանկտ-Պետերբուրգում ՀՀ գլխավոր հյուպատոս Հրայր Կարապետյանը մասնակցեց Լենինգրադի մարզի Կառավարության կողմից կազմակերպված <Եկեղեցին և պատերազմը> կոնֆերանսին

18 սեպտեմբերի, 2015

Ս.թ. սեպտեմբերի 18-ին Սանկտ-Պետերբուրգում ՀՀ գլխավոր հյուպատոս Հրայր Կարապետյանը մասնակցեց Լենինգրադի մարզի Կառավարության կողմից կազմակերպված <Եկեղեցին և պատերազմը> կոնֆերանսին: Կոնֆերանսին մասնակցում էին Լենինգրադի մարզի և Սանկտ-Պետերբուրգի կառավարության անդամներ, դասախոսներ, տարբեր դավանանքների ներկայացուցիչներ: Կոնֆերանսին ելույթով հանդես եկան Լենինգրադի մարզի միջազգային և միջդավանանքային հարաբերությունների կոմիտեի ղեկավար Մ. Լեբեդինսկին, Լենինգրադի մարզի նահանգապետի խորհրդական Վ. Սանինը, Լենինգրադի մարզի Օրենսդիր ժողովի ղեկավարի տեղակալ Ա. Բելոուսը: Սանկտ-Պետերբուրգում ՀՀ գլխավոր հյուպատոս Հ. Կարապետյանը հանդես եկավ զեկույցով, ուր խոսեց Երկրորդ համաշխարհային պատերազմի տարիներին Հայ Առաքելական եկեղեցու շնորհիվ սփյուռքահայության կողմից նյութական աջակցության մասին և նրանց հանգանակությամբ՝ <Սասունցի Դավիթ> և <Գեներալ Բաղրամյան> տանկային շարասյան ստեղծման մասին: Նա հատուկ ընդգծեց խորհրդային տարիներին Հայ Առաքելական եկեղեցու ունեցած դժվարություների և քրիստոնեական հավատքը պահպանելու առաքելության գործում ունեցած մեծ դերի մասին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր