Սանկտ Պետերբուրգի Ռուսաստանի ազգագրական թանգարանում կայացավ «Արևմտյան Հայաստանի մշակութային ժառանգությունը» /1916թ./ ցուցահանդեսը

27 ապրիլի, 2015

   Ապրիլի 27-ին Հայոց ցեղասպանության 100-րդ տարելիցի միջոցառումների շրջանակում Սանկտ Պետերբուրգի Ռուսաստանի ազգագրական թանգարանում կայացավ «Արևմտյան Հայաստանի մշակութային ժառանգությունը» /1916թ./ ցուցահանդեսը, որտեղ ցուցադրվեցին Պրոֆեսոր Ալեքսանդր Միլլերի հավաքածուները:
    Ալեքսանդր Միլլերը իր ներդրումն է ունեցել հայկական հավաքածուների հավաքագրման մեջ, 1909-1918թթ. եղել է թանգարանապահ, ազգագրական բաժնի ղեկավար և 1918-1921թթ. ռուսական ազգագրական թանգրանի տնօրեն: Նա հայկական մշակույթի ուսումնասիրման նոր միասնական մոտեցում է մշակել՝ միացնելով հնագիտական և ազգագրական հետազոտության ասպեկտները:
       Հավաքածուն պարունակում է զենքեր, ոսկերչական իրեր, գորգեր, երաժշտական գործիքներ, կրոնական հագուստներ ինչպես նաև հայկական մշակույթը բնորոշող այլ աշխատանքներ կատարված հայ վարպետների ձեռքերով:
     Ցուցահանդեսին բացի Սանկտ-Պետերբուրգում ՀՀ գլխավոր հյուպատոսության ներկայացուցիչներից ներկա էին ՀՀ Նախագահի աշխատակազմի ղեկավար Վիգեն Սարգսյանը, Սանկտ-Պետերբուրգի նահանգապետի տեղակալ Օլգա Կազանսկայան, Սանկտ-Պետերբուրգի կառավարության արտաքին կապերի կոմիտեի ղեկավար Եվգենի Գրիգորևը, Սանկտ-Պետերբուրգում ՌԴ ԱԳՆ ներկայացուցիչ Վլադիմիր Զապևալովը, Ռուսաստանի ազգագրական թանգարանի տնօրեն Վլադիմիր Գրուսմանը, Սանկտ Պետերբուրգում հավատարմագրված գլխավոր հյուպատոսներ, մշակույթի գործիչներ և հայ համայնքի ներկայացուցիչներ:
     Բացման խոսքով հանդես եկան ՀՀ Նախագահի աշխատակազմի ղեկավար Վիգեն Սարգսյանը, Սանկտ-Պետերբուրգի նահանգապետի տեղակալ Օլգա Կազանսկայան և Ռուսաստանի ազգագրական թանգարանի տնօրեն Վլադիմիր Գրուսմանը:
      Ցուցահանդեսի կազմակերպմանը աջակցել են ՀՀ Նախագահի խորհրդական Գագիկ Գևորգյանը, Ռուսաստանի ազգագրական թանգարանը, Սանկտ Պետերբուրգում ՀՀ գլխավոր հյուպատոսությունը, հայկական մշակութային ինքնավարությունը, Հայ Առաքելական եկեղեցին :

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր