Սանկտ-Պետերբուրգի Տավրիդյան Պալատի Եկատերինյան դահլիճում կայացավ հիշատակի համերգ նվիրված Հայոց Ցեղասպանության 100-րդ տարելիցին:

22 ապրիլի, 2015

      Ապրիլի 22-ին Սանկտ-Պետերբուրգի Տավրիդյան Պալատի Եկատերինյան դահլիճում կայացավ հիշատակի համերգ նվիրված Հայոց Ցեղասպանության 100-րդ տարելիցին: Համերգը կազմակերպել էր «Սանկտ Պետերբուրգի դղյակներ» միջազգային հիմնադրամի ղեկավար Ռուսաստանի վաստակավոր արտիստուհի Մարիյա Սաֆարյանցը:
     Համերգից առաջ ելույթի խոսքով հանդես եկան Սանկտ-Պետերբուրգում ՀՀ գլխավոր հյուպատոս Հրայր Կարապետյանը, որը անդրադառնալով 1915 թվականի Ցեղասպանությանը դատապարտեց Թուրքիայի իշխանությունների ժխտողականության քաղաքականությունը եւ շեշտեց, որ նմանօրինակ հանցագործությունները ժողովրդի, ազգի, մարդկության դեմ պետք է ժամանակին իրենց արժանի գնահատականը ստանան համայն մարդկության կողմից, Սանկտ-Պետերբուրգի փոխնահանգապետ Օլգա Կազանսկայան և Ուղղափառ Հոգևոր Ակադեմիայի հոգևոր հայր Ալեքսանդրը:
    Երեկոյին ներկա էին Սանկտ-Պետերբուրգի վարչակազմի ներկայացուցիչներ, հոգևորականներ, Սանկտ-Պետերբուրգում հավատարմագրված գլխավոր հյուպատոսներ, քաղաքի մտավորականներ:
       Հիշատակի համերգին հնչեցին Բարբերի, Սպենդիարյանի, Մոցարտի, Խաչատրյանի, Դոնիցետիի ստեղծագործությունները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր