«Հիշում և պահանջում եմ» ցուցահանդես-երաժշտական ցերեկույթ Տավրիդյան պալատում

19 ապրիլի, 2015

Ապրիլի 19-ին Սանկտ-Պետերբուրգում ՀՀ գլխավոր հյուպատոս Հրայր Կարապետյանը մասնակցել է Սանկտ Պետերբուրգի Տավրիդյան պալատում ԱՊՀ միջխորհրդարանական վեհաժողովի նախաձեռնությամբ անցկացված «Հիշում և պահանջում եմ» ցուցահանդես-երաժշտական ցերեկույթին:

      Ցերեկույթին ներկա էին ՀՀ ԱԺ փոխնախագահ Էդուարդ Շարմազանովը, Սանկտ Պետերբուրգում ՀՀ գլխավոր հյուպատոս Հրայր Կարապետյանը, ԱՊՀ ՄԽՎ խորհրդի գլխավոր քարտուղար Ալեքսեյ Սերգեևը, և ԱՊՀ ՄԽՎ խորհրդի գլխավոր քարտուղարի տեղակալ, ԱՊՀ ՄԽՎ-ում ՀՀ ԱԺ ներկայացուցիչ Հայկ Չիլինգարյանը:
      Ելույթներով հանդես եկան ՌԴ Դաշնային ժողովի Դաշնության խորհրդի սոցիալական քաղաքականության կոմիտեի նախագահի առաջին տեղակալ Լյուդմիլա Կոստկինան և ՀՀ ԱԺ փոխնախագահ Էդուարդ Շարմազանովը, որը մասնավորապես նշեց. «1944 թվականին լեհ իրավագետ Ռաֆայել Լեմկինը կիրառեց «ցեղասպանություն» եզրույթը` նկատի ունենալով 1915 թվականին Օսմանյան Թուրքիայում հայերի դեմ իրագործված վայրագությունները: Ուղիղ 100 տարի առաջ Թուրքիայի ղեկավարությունն իրականացրեց մի ողջ ժողովրդի ցեղասպանություն եւ հայրենազրկում միայն այն պատճառով, որ նրանք ազգությամբ հայ էին, դավանանքով` քրիստոնյա»:
     Ցերեկույթին միջազգային մրցույթների դափնեկիր Գարրի Եփրիկյանը և Սանկտ-Պետերբուրգի «Դուդուկ-քառյակ» երաժշտական խումբը կատարեցին Կոմիտասի, Մ. Եկմալյանի, Ի. Բախի, Ի. Բրամսի, Ա. Խովաննեսի ստեղծագործությունները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր