Սանկտ-Պետերբուրգի Ադմիրալտեյսկի շրջանի Երիտասարդական պալատում տեղի է ունեցել «Կոմիտաս. Լույս բարեբեր» երաժշտադրամատիկական ներկայացման պրեմիերան

16 ապրիլի, 2015

Ապրիլի 16-ին Սանկտ-Պետերբուրգի Ադմիրալտեյսկի շրջանի Երիտասարդական պալատում տեղի է ունեցել «Կոմիտաս. Լույս բարեբեր» երաժշտադրամատիկական ներկայացման պրեմիերան /ռեժիսորներ Համլետ Հայրապետյան և Իվան Լատիշև/:

Վարդապետի մահվան 80-րդ տարելիցին նվիրված հայ-ռուսական ներկայացման պրեմերան հանդիսատեսին ներկայացրեցին ռուս հայտնի դերասանները, իսկ փոքր Կոմիտասի դերում հանդես եկավ Հայ Առաքելական Եկեղեցու Լազարյանների անվան հայեցի դաստիարակության երկրորդ դասարանի սան` Պարույր Գաբրիելյանը: Աշխարհիկ երգերը ներկայացվեց երգչուհի Հասմիկ Բաղդասարյանի, իսկ հոգևոր երաժշտությունը Սանկտ-Պետերբուրգի Սբ. Կատարինե եկեղեցու երգչախումբի կողմից: Երաժշտական ձևավորումը կատարել էր կոմպոզիտոր և երգիչ Վահան Արծրունին: Ներկայացման ստեղծմանն աջակցել են Սանկտ-Պետերբուրգում ՀՀ Գլխավոր հյուպատոսությունը, Սանկտ-Պետերբուրգի հայկական եկեղեցին, հայ համայնքը և եկեղեցու հոգաբարձուների խորհուրդը: Ներկայացմանը ներկա էին Սանկտ Պետերբուրգում գտնվող ԱԺ պատվիրակության անդամներ՝ ՀՀ ԱԺ փոխնախագահ Էդուարդ Շարմազանովի գլխավորությամբ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր