Սանկտ Պետերբուրգի Ռուսական պետական թանգարանում տեղի է ունեցել Հայոց ցեղասպանության ժամանակ սպանված հայ մտավորականներին նվիրված հիշատակի երեկո:

21 մարտի, 2015

      Մարտի 21-ին Սանկտ Պետերբուրգի Ռուսական պետական թանգարանում տեղի է ունեցել Հայոց ցեղասպանության ժամանակ սպանված հայ մտավորականներին նվիրված հիշատակի երեկո: Միջոցառումը կազմակերպվել էր «Պետերբուրգի հայեր» հասարակական կազմակերպությունը՝ Սանկտ Պետերբուրգում ՀՀ գլխավոր հյուպատոսության աջակցությամբ:
       Միջոցառմանը ներկա էին Սանկտ Պետերբուրգում ՀՀ գլխավոր հյուպատոս Հրայր Կարապետյանը, «Պետերբուրգի հայեր» հասարակական կազմակերպության նախագահ Ալեքսանդր Նազարովը, հասարակական-քաղաքական գործիչներ, լրագրողներ և հայ համայնքի ներկայացուցիչներ:
      Բացման խոսքով հանդես եկան Սանկտ-Պետերբուրգում ՀՀ գլխավոր հյուպատոս Հրայր Կարապետյանը, որը խոսեց Հայոց ցեղասպանության ժամանակ սպանված հայ մտավորականների՝ Դանիել Վարուժանի, Ռուբեն Սևակի, Գրիգոր Զոհրապի, Սիամանթոյի և այլոց կյանքի ու ստեղծագործության մասին և «Պետերբուրգի հայեր» հասարակական կազմակերպության ղեկավար Ալեքսանդր Նազարովը,
     Միջոցառման ընթացքում ընթերցվեցին հատվածներ Դանիել Վարուժանի, Ռուբեն Սևակի և Սիամանթոյի բանաստեղծություններից։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր