Սանկտ-Պետերբուրգում ՀՀ գլխավոր հյուպատոսությունում կայացավ հանդիպում գլխավոր հյուպատոս Հրայր Կարապետյանի և Սանկտ-Պետերբուրգում Իսրայելի նորանշանակ գլխավոր հյուպատոս Միխաել Լոտեմի միջև:

12 մարտի, 2015

Մարտի 12-ին Սանկտ-Պետերբուրգում ՀՀ գլխավոր հյուպատոսությունում կայացավ հանդիպում գլխավոր հյուպատոս Հրայր Կարապետյանի և Սանկտ-Պետերբուրգում Իսրայելի նորանշանակ գլխավոր հյուպատոս Միխաել Լոտեմի միջև:

Ողջունելով հյուրին Հրայր Կարապետյանը կարևորեց ՀՀ և Իսրայելի պետությունների միջև համակողմանի շփումների առկայությունը՝ այդ ուղղությամբ կարևորելով հատկապես ՀՀ ԱԳ նախարար Է. Նալբանդյանի Իսրայել վերջերս կատարած պաշտոնական այցը, որը նոր մակարդակի կհասցնի մեր երկու երկրների զարգացող հարաբերությունները:

Հյուրի խնդրանքով Հրայր Կարապետյանը ներկայացրեց ցեղասպանության 100-ամյա տարելիցին նվիրված Սանկտ-Պետերբուրգում անցկացվելիք միջոցառումների շարքը՝ հույս հայտնելով, որ նորանշանակ գլխավոր հյուպատոսը ևս կմասնակցի այդ միջոցառումներին:

Միխաել Լոտեմը սիրով ընդունեց առաջարկը և նշեց, որ մեր երկու ժողովուրդներն էլ վերապրել են բազմաթիվ արհավիրքներ ու այս իմաստով մեր ճակատագրերը նման են, որն էլ ավելի է մոտեցնում մեզ և ստիպում ուրախ թե տխուր առիթներով սատարել միմյանց:

Հանդիպման վերջում քննարկվեցին երկկողմ համագործակցությանը վերաբերող մի շարք հարցեր և կողմերը պայմանավորվեցին շարունակական դարձնել նման հանդիպումները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր