Գյումրիում սպանությունների զոհ դարձած Ավետիսյան ընտանիքի անդամների հոգեհանգստի արարողություն Սանկտ-Պետերբուրգում

19 հունվարի, 2015

Հուվարի 18-ին Սանկտ-Պետերբուրգի Սուրբ Կատարինե Հայ Առաքելական եկեղեց հոգևոր հովիվ Սարգիս Չոփուրյանը մատուցել է պատարագ հունվարի 12-ին Գյումրիում սպանությունների զոհ դարձած Ավետիսյան ընտանիքի անդամների հոգեհանգստի արարողությունը:

    Պատարագից հետո ելույթի խոսքով հանդես եկավ Սանկտ-Պետերբուրգում ՀՀ գլխավոր հյուպատոս Հրայր Կարապետյանը, որը իր ցավակցությունը հայտնեց Գյումրիում տեղի ունեցած սպանության կապակցությամբ և դատապարտեց կատարված հանցագործությունը: Գլխավոր հյուպատոսը տեղեկացրեց հայ համայնքի ներկայացուցիչներին, որ Հայաստանի իշխանությունների կողմից արվելու է ամեն ինչ հանցագործության հանգամանքները լիարժեք բացահայտելու և արդարացի պատիժ սահմանելու համար: Տեղեկացվեց համայնքին նաև, որ Գյումրի է գործուղվել պետերբուրգահայ հայտնի վիրաբույժ Վիլյամ Խաչատրյանը, որը վիրահատել է վեց ամսյա փոքրիկ Սերյոժային:
     Սանկտ-Պետերբուրգի Սուրբ Կատարինե Հայ Առաքելական եկեղեցում հոգեհանգստյան արարողություն կատարելուց հետո հայ համայնքի ներկայացուցիչները Սանկտ-Պետերբուրգում ՀՀ գլխավոր հյուպատոս Հրայր Կարապետյանի մասնակցությամբ ծաղիկներ են դրել եկեղեցու բակում տեղադրված խաչքարի մոտ:
     Այնուհետև Սուրբ Կատարինե հայ առաքելական եկեղեցու բակում համայնքի երիտասարդական կազմակերպության ներկայացուցիչները մեծ մոմերով Գյումրի գրեցին, որը կոչված էր հավերժացնելու սպանության զոհերի հիշատակը: Այս հուշակոթողը միջոցառման ողջ ընթացքում լցվեց ժողովրդի կողմից վարվող մոմերով, որոնք եկել էին իրենց հարգանքը մատուցելու Գյումրիում սպանված Ավետիսյանների հիշատակին:
      Տեղեկացնենք նաև, որ Գյումրիյում կատարված սպանություններից հետո Սանկտ-Պետերբուրգում ՀՀ Գլխավոր հյուպատոսության շենքի առջև մի քանի օր շարունակ պետերբուրգցիների կողմից ծաղիկներ և մանկական խաղալիքներ են դրվում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր