ՀՀ մշակույթի նախար Հասմիկ Պողոսյանի գլխավորած պատվիրակության այցը Սանկտ-Պետերբուրգ

09 դեկտեմբերի, 2014

        Ս.թ. դեկտեմբերի 7-ից 9-ը ՌԴ մշակույթի նախարարության հրավերով պաշտոնական այցով Սանկտ-Պետերբուրգում էր գտնվում ՀՀ մշակույթի նախար Հասմիկ Պողոսյանի գլխավորած պատվիրակությունը՝ Սանկտ Պետերբուրգյան միջազգային մշակութային համաժողովին մասնակցելու համար:
         Օդակայանում պատվիրակությանը դիմավորեց Սանկտ-Պետերբուրգում ՀՀ գլխավոր հյուպատոս Հրայր Կարապետյանը:
            Համաժողովին մասնակցելու նպատակով Սանկտ-Պետերբուրգում էր գտնվում նաև Ռուսաստանի Դաշնությունում ՀՀ դեսպան Օլեգ Եսայանը:
           Այցի ընթացքում ՀՀ մշակույթի նախար Հասմիկ Պողոսյանի գլխավորած պատվիրակությունը Ելցինի անվան նախագահական գրադարանում մասնակցեց Սանկտ-Պետերբուրգյան մշակութային փառատոնի պաշտոնական բացմանը: Այնուհետև մասնակցեցին <Մշակութային քաղաքականության հիմքեր. մշակույթի ինովացիա և ներկայիս մարտահրավերները> կլոր սեղանին:
          Երեկոյան պետական Էրմիտաժ թանգարանի տնօրեն Միխայիլ Պիատրովսկու հրավերով ՀՀ մշակույթի նախար Հասմիկ Պողոսյանը, Սանկտ Պետերբուրգում ՀՀ գլխավոր հյուպատոս Հրայր Կարապետյանի մասնակցեցին <Էրմիտաժի> հիմնադրման 250-ամյակին նվիրված միջոցառումներին:
          Դեկտեմբերի 8-ին Սանկտ-Պետերբուրգի Շուվալովսկի պալատում ՀՀ մշակույթի նախար Հասմիկ Պողոսյանը և ՌԴ մշակույթի նախարար Վլադիմիր Մեդինսկին ստորագրել են <ՀՀ մշակույթի նախարարության և ՌԴ մշակույթի նախարարության միջև 2015 թ. մշակութային համագործակցության մասին> աշխատանքային ծրագիրը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր