Երևանի Ա. Սպենդիարյանի անվան օպերայի և բալետի ազգային ակադեմիական թատրոնի մենակատարների համերգ Սանկտ-Պետերբուրգում

22 հոկտեմբերի, 2014

Ս.թ. հոկտեմբերի 22-ին Սանկտ-Պետերբուրգում ՀՀ գլխավոր հյուպատոս Հրայր Կարապետյանը մասնակցեց Հայոց Ցեղասպանության 100-րդ տարելիցին նվիրված միջոցառումների ցանկի շրջանակներում Սանկտ-Պետերբուրգի Դ. Շոստակովիչի անվան ակադեմիական ֆիլարմոնիայի մեծ դահլիճում անցկացված «Հայաստանի կարկառուն ձայներ» Երևանի Ա. Սպենդիարյանի անվան օպերայի և բալետի ազգային ակադեմիական թատրոնի մենակատարների համերգին:
Համերգը կազմակերպել էին «Дворцы Санкт-Петербурга» միջազգային ֆոնդը և Սանկտ-Պետերբուրգի ռեգիոնալ հայ ազգամշակութային ինքնավարությունը՝ ՌԴ և ՀՀ մշակույթի նախարարությունների և Սանկտ-Պետերբուրգում ՀՀ գլխավոր հյուպատոսության աջակցությամբ:
Ա. Սպենդիարյանի անվան օպերայի և բալետի ազգային ակադեմիական թատրոնի մենակատարներ Անահիտ Մխիթարյանը, Քրիստինե Սահակյանը, Պերճ Ղազարյանը և Հովհաննես Ներսիսյանը Սանկտ-Պետերբուրգի երիտասարդական սինֆոնիկ նվագախմբի /դիրիժոր Կարեն Դուրգարյան/ ուղեկցությամբ կատարեցին Կոմիտասի, Ա.Խաչատրյանի, Ջ.Վերդիի, Ա.Սպենդիարյանի, Տ.Չուխաջյանի, Պ.Մասկանիի, Մ.Գլինկայի, Բելինիի և Ջ.Ռոսսինիի ստեղծագործությունները: Հնչեցին նաև հատվածներ «Սպարտակ» և «Գայանե» բալետներից:
Միջոցառմանը ներկա էին Սանկտ-Պետերբուրգի և Լենինգրադի մարզի կառավարությունների ներկայացուցիչներ, Սանկտ-Պետերբուրգում հավատարմագրված գլխավոր հյուպատոսներ և դիվանագետներ, հայ համայնքի ներկայացուցիչներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր