Սանկտ-Պետերբուրգում ՀՀ գլխավոր հյուպատոս Հրայր Կարապետյանի Ալեքսեյ Սերգեևի և Տեոդորոս Բիզակիսի հետ

27 մարտի, 2014

Մարտի 26-ից 27-ը Սանկտ-Պետերբուրգում ՀՀ գլխավոր հյուպատոս Հրայր Կարապետյանի խնդրանքով տեղի ունեցան հանդիպումներ ԱՊՀ Միջխորհրդարանական Վեհաժողովի խորհրդի գլխավոր քարտուղար Ալեքսեյ Սերգեևի, ՀԱՊԿ խորհրդարանական վեհաժողովի պատասխանատու քարտուղար Պյոտր Ռյաբուխինի և Սանկտ-Պետերբուրգում Հունաստանի գլխավոր հյուպատոս Տեոդորոս Բիզակիսի՝ որպես Եվրոմիությունում նախագահող երկրի ներկայացուցչի հետ:

Հանդիպումների ընթացքում Հրայր Կարապետյանը կողմերին ներկայացրեց Սիրիայի Քեսաբ բնակավայրում հայտնի դեպքերի վերաբերյալ ՀՀ Նախագահի ուղերձը և շարժառիթները: Կողմերին տեղեկացվեց, որ Թուրքիայի օժանդակությամբ ահաբեկչական խմբերի գործողությունների հետևանքով Քեսաբում բնակվող շուրջ 670 հարյուր ընտանիք ստիպված լքել են իրենց պատմական բնակավայրերը, թալանի են ենթարկվել նրանց տները, պղծվել եկեղեցիները:

Փաստորեն պատմության մեջ երրորդ անգամ տվյալ տարածքում տեղի են ունենում էթնիկ զտումներ, որի անմիջական պատասխանատուն Թուրքիան է:
Հատկապես մտահոգում է այն փաստը, որ այս իրադարձությունները տեղի են ունենում Հայոց Ցեղասպանության 100-րդ տարելիցի նախաշեմին:

Հանդիպման մյուս կողմի ներկայացուցիչները նշեցին, որ իրենք ևս մտահոգ են Սիրիայում ծավալվող իրադարձությունների ընթացքից և հայկական կողմի տագնապը կիսելով այդ մասին հանգամալից կներկայացնեն իրենց կազմակերպություններին մաս կազմող կառույցներին և երկրներին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր