Գուրգեն Մարգարյանի հիշատակի երեկո

21 փետրվարի, 2014

Ս.թ. փետրվարի 19-ին Սանկտ-Պետերբուրգի Սբ. Կատարինե հայ առաքելական եկեղեցում մատուցվեց ադրբեջանցի Սաֆարովի կողմից սպանված հայ սպա Գուրգեն Մարգարյանի հիշատակին նվիրված պատարագ:

Պատարագի ավարտից հետո Սբ. Կատարինե եկեղեցու բակում գտնվող խաչքար-հուշակոթողին Սանկտ-Պետերբուրգում ՀՀ գլխավոր հյուպատոս Հրայր Կարապետյանի գլխավորությամբ ծաղիկներ դրվեցին Սանկտ-Պետերբուրգում ՀՀ գլխավոր հյուպատոսության, Հայաստանի զինվորականների, հայ համայնքի և հայ առաքելական եկեղեցու ներկայացուցիչների կողմից: Որից հետո համայնքի երիտասարդական կազմակերպության ներկայացուցիչները գետնի վրա մոմեր դրեցին հավերժացնելու Գուրգեն Մարգարյանի հիշատակը: Այս հուշակոթողը միջոցառման ընթացքում լցվեց ժողովրդի կողմից վառվող մոմերով:

Մոմավառությունից հետո Սանկտ-Պետերբուրգի հայ համայնքի մշակութային կենտրոնի դահլիճում տեղի ունեցավ Գուրգեն Մարգարյանի հիշատակին նվիրված երեկո:

Երեկոյին բացման խոսքով հանդես եկավ Սանկտ-Պետերբուրգում ՀՀ գլխավոր հյուպատոս Հրայր Կարապետյանը, որը դատապարտեց մարդասպան Սաֆարովի արարքը և Ադրբեջանի հայատյաց քաղաքականությունը հայ ժողովրդի նկատմամբ: Գլխավոր հյուպատոսը ներկաներին տեղեկացրեց նաև, որ Սանկտ-Պետերբուրգում հավատարմագրված դիվանագիտական առաքելությունների և Սանկտ-Պետերբուրգի կառավարության ղեկավարների հետ հանդիպման ընթացքում իրենց հայտնել է Հայաստանի դիրքորոշումը տվյալ հարցի շուրջ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր