Ս.թ. նոյեմբերի 22-23-ը կայացել է սփյուռքի գործերի Գլխավոր հանձնակատար Զարեհ Սինանյանի գլխավորած պատվիրակության աշխատանքային այցը Սանկտ Պետերբուրգ:

24 նոյեմբերի, 2021

Պուշկին քաղաքում Զարեհ Սինանյանը հանդիպում է ունեցել հայ համայնքի ղեկավար Վրեժ Մելիքյանի հետ, այնուհետև այցելել «Ուրարտու» հայկական կիրակնօրյա վարժարան և ներկա գտնվել պարային համույթի ելույթին:

Սանկտ Պետերբուրգում Գլխավոր հանձնակատարը այցելել է նաև կրթամշակութային մեկ այլ հաստատություն՝ և հանդիպել «Խատուտիկ» էթնիկ կենտրոնի ներկայացուցիչների հետ։

Այցի ընթացքում Սանկտ Պետերբուրգում ՀՀ գլխավոր հյուպատոսությունում տեղի է ունեցել Զարեհ Սինանյանի հանդիպումը Ռուսաստանի հայ իրավաբանների ասոցիացիայի ներկայացուցիչների և Սանկտ Պետերբուրգի հայ համայնքի հասարակական, բարեգործական, մշակութային և երիտասարդական կազմակերպությունների ներկայացուցիչների հետ։

Հանդիպումներին ներկա էին Սանկտ Պետերբուրգում ՀՀ գլխավոր հյուպատոսության հյուպատոս Մարիա Բաբայանը, Սանկտ Պետերբուրգի հայ համայնքի ղեկավար Կարեն Մկրտչյանը, Ռուսաստանի հայ իրավաբանների ասոցիացիայի ղեկավար Շահեն Պետրոսյանը, իրավաբաններ, փաստաբաններ և հայ համայնքի ներկայացուցիչներ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր