ՀՀ անկախության 29-րդ տարեդարձ

21 սեպտեմբերի, 2020

Ս.թ. սեպտեմբերի 21-ին Սանկտ-Պետերբուրգում ՀՀ գլխավոր հյուպատոսությունում տեղի ունեցավ հանդիսավոր ընդունելություն նվիրված ՀՀ անկախության 29-րդ տարեդարձին:

Բացման խոսքով ելույթ ունեցավ Սանկտ-Պետերբուրգում ՀՀ գլխավոր հյուպատոսության խորհրդական Վազգեն Սարգսյանը, ով շնորհավորեց հյուրերին ՀՀ անկախության օրվա առթիվ և նշեց, որ Հայաստանի ղեկավարությունը անում է առավելագույնս Հայաստանի բարգավաճման գործում։

Շնորհավորական ուղերձով հանդես եկան նաև ՀՀ ԱՊՀ ՄԽՎ-ում ԱԺ մշտական ներկայացուցիչ Հայկ Չիլինգարյանը, Ռուսաստանի և Նոր Նախիջևանի Հայոց թեմի Սանկտ Պետերբուրգի և Ռուսաստանի Հյուսիսարևմտյան տարածաշրջանի առաջնորդական փոխանորդ Հոգեշնորհ Տ. Պողոս աբեղա Վարդանյանը, հայ համայնքի ղեկավար Կարեն Մկրտչյանը։

Ընդունելությանը ներկա էին նաև Սանկտ Պետերբուրգում Երևանի քաղաքապետարանի ներկայացուցիչ Արմենակ Կարապետյանը, ՌԴ-ում ՀՀ ՊՆ ներկայացուցիչ փոխգնդապետ Սերգեյ Սրմիկյանը, համայնքի ներկայացուցիչներ և այլոք /համաճարակի պատճառով հրավիրվածների թիվը սահմանափակ էր/։

ՀՀ Անկախության 29-րդ տարեդարձի կապակցությամբ շնորհավորական ուղերձներ ստացվել Սանկտ-Պետերբուրգի նահանգապետ Ալեքսանդր Բեգլովի, Լենինգրադի մարզի նահանգապետ Ալեքսանդր Դրոզդենկոյի և Վոլոգդայի մարզի Նահանգապետ Օլեգ Կուվշիննիկովի կողմից:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր