Սանկտ-Պետերբուրգում հայկական մշակութային կենտրոնում կայացավ մամլո ասուլիս

13 մարտի, 2014

Մարտի 13-ին Սանկտ-Պետերբուրգում հայկական մշակութային կենտրոնում կայացավ մամլո ասուլիս՝ նվիրված Սանկտ-Պետերբուրգում Ֆրանկոֆոնիայի տոնին, որի կազմակերպիչներն էին Հայաստանի Հանրապետության, Բելգիայի, Բուլղարիայի, Հունաստանի, Կիպրոսի, Ֆրանսիայի, Շվեցարիայի գլխավոր հյուպատոսությունները և Սանկտ-Պետերբուրգում Ֆրանսիական ինստիտուտի տնօրենը:

Ասուլիսին բացման խոսքով հանդես եկավ Սանկտ-Պետերբուրգում ՀՀ գլխավոր հյուպատոս Հրայր Կարապետյանը, որը ներկայացրեց Հայաստանի Հանրապետության և Ֆրանկոֆոնիայի միջազգային կազմակերպության միջև երկկողմ հարաբերությունները և համագործակցության ծրագրերը: Գլխավոր հյուպատոսը նշեց նաև, որ Հայաստանի դպրոցներում և բուհերում մեծ ուշադրություն է դարձվում ֆրանսերեն լեզվի ուսուցմանը:

Այնուհետև ելույթ ունեցան Սանկտ-Պետերբուրգում Հունաստանի, Բելգիայի, Բուլղարիայի, Կիպրոսի, Շվեցիարիայի և Ֆրանսիայի գլխավոր հյուպատոսները, որոնք մասնավորապես իրենց շնորհակալությունը հայտնեցին ՀՀ գլխավոր հյուպատոսին մասնակցության և օժանդակության համար, ինչպես նաև ներկայացրեցին իրենց երկրների Ֆրանկոֆոնիայի միջազգային կազմակերպության հետ համագործակցության սույն թվականին անցկացվելիք ծրագրերը, որն ընդգրկում էր կինոփառատոն, դասական և ժամանակակից երաժշտության համերգներ, ֆրանսերեն լեզվի մրցույթներ և վիկտորինաներ, գիտական կոնֆերանսներ, թատերական բեմադրություններ, հանդիպումներ գրողների և կինոռեժիսորների հետ:

Հանդիպման վերջում մասնակիցները պատասխանեցին ԶԼՄ ներկայացուցիչների հարցերին:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր